Sot, më 12 shkurt 2025, në orën 08:30, do të nisë në Gjykatën e Posaçme rivlerësimi i masave të sigurimit personal për tetë të pandehurit e dosjes, ku përfshihet edhe kryebashkiaku i Tiranës, Erion Veliaj, si dhe biznesmeni Elman Albule. Bashkë me ta në gjykatë do të jenë pesë biznesmenë shqiptarë, të cilët akuzohen për bashkëpunim në veprime të paligjshme me Veliajn.
Gjithashtu, përveç të pandehurve, në Gjykatën e Posaçme do të paraqitet edhe bashkëshortja e kryebashkiakut, Ajola Xoxa, e cila ka një masë sigurimi të caktuar nga gjykata, “arrest shtëpie”. Grupi i personave të hetuar akuzohet për korrupsion dhe pastrim parash. Ndërkohë, është ngritur një hetim edhe ndaj deputetes së Partisë Socialiste, Klotilda Bushka, e cila ka marrë një akuzë të veçantë lidhur me këtë çështje.
