Një grua 52-vjeç dhe një 60-vjeçar që ka ndërhyrë për ta shpëtuar janë plagosur me mjete të forta në Pazarin e Korçës dhe kanë përfunduar në spital dhe ndodhen jashtë rrezikut për jetën.
Autori i identifikuar si Jonis Mazllëmi, 36-vjeç, është shoqëruar nga policia. Sipas uniformave blu, autori vuan nga probleme të shëndetit mendor.
Autori mësohet të ketë qenë i pajisur me një mjet prerës hanxhar në momentin kur ka goditur gruan e cila është shitëse në këtë pazar dhe me pas ka goditur e personin tjetër që erdhi në ndihmë 52-vjeçares.
Ndërkohë një grua që ka qenë dëshmitare në vendngjarje ka treguar se si ndodhi ngjarja, ku 36-vjeçari ka ardhur me vrap dhe ka qëlluar gruan.
“Unë isha tani. I hyri me sëpatë. Gruaja ra poshtë. Nuk pari konflikt mes tyre. Erdhi me sëpatë dhe i ra. E njoh gruan ishte aty. Nuk e di ça u bë pastaj. Ai ishte i droguar. Nuk e di nëse zunë apo jo,” tha ajo.
