Endrick, talenti brazilian i futbollit, do të trasferohet në kampionatin francez, konkretisht te Olympique Lyon, deri në qershor të vitit të ardhshëm. Marrëveshja e njoftuar nga Reali i Madridit dhe klubi francez nuk përfshin opsionin e blerjes përfundimtare, pasi Reali e sheh Endrick si një lojtar të rëndësishëm për të ardhmen, me numrin 9 në fanellë.
Të dy klubet dhe vetë lojtari vendosën të prisnin deri në momentin e fundit për të konfirmuar operacionin, pasi Endrick dëshiron të ketë më shumë mundësi loje. Qëllimi i tij është të bindë trajnerin Carlo Ancelotti për një grumbullim në Botërorin e vitit të ardhshëm, i cili do të zhvillohet në SHBA, Kanada dhe Meksikë.
Pavarësisht ofertave të shumta, përfshirë përpjekjet e Eintracht Frankfurt për ta bindur të kalojë në Bundesliga, Endrick zgjodhi Lyonin si opsionin më të mirë për karrierën e tij. Në ekipin francez, ai do të ketë mundësinë të luajë në Europa League dhe, më e rëndësishmja, të sigurojë një vend si titullar nga fillimi, pas largimit të Georges Mikautadze për te Villarreal për një shumë rekord prej 30 milionë eurosh. Kjo situatë krijon hapësira të rëndësishme për lojtarët e rinj në Lyon, duke e bërë atë një ambient të përshtatshëm për zhvillimin e Endrick.
Ky transferim pritet të sjellë një ndikim të ndjeshëm në karrierën e tij, duke i dhënë mundësi që të provojë talentin e tij në një kampionat të ri dhe të përmirësojë shanset për të qenë pjesë e përfaqësueses braziliane.
