I ka dhënë fund jetës në burgun e Ternit në Itali 62-vjeçari, Xhafer Uruçi, i cili u arrestua ditën e enjte pas vrasjes së gruas së tij Zenepe Uruçi.
Mediat përtej Adriatikut raportojnë se Xhafer Uruçi ishte i vetëm në qeli dhe ndodhej nën vëzhgim të rreptë pasi kishte zhvilluar edhe një seancë me psikologun e burgut.
Ai u gjet i varur prej një prej policëve që po kontrollonte qelitë, ndërsa raportohet se në atë moment nuk mund të jepej më ndihma e parë.
Bashkëshorti e goditi disa herë me thikë gruan në qafë, bark dhe kurriz, diri sa 56 vjecarja ndërroj jetë. Më pas Xhafer Uruçi, u largua nga banesa për tu arrestuar nga policia italianë në një stacion treni që nuk përdorej më nga udhtarët.
Mësohet se para se të vritej, në nisje të debateve me bashkëshortin, Zenepja ka telefonuar djalin. Ka qenë ky i fundit që ka lajmëruar policinë pasi dëgjoi britmat e dëshpëruara të nënës së tij në telefon duke kërkuar ndihmë.
Ndër vite ata kishin pasur debate. Në disa raste ishte dashur ndërhyrja e policisë për të qetësuar situatën.
