Të shtëna me armë zjarri janë regjistruar pasditen e së shtunës në lagjen Salo Halili në Shkodër.
Burimet mediatike bëjnë me dije se i plagosur ka mbetur 24 vjecari Jaser Osmani.
Ai është qëlluar pranë banesës së tij, ndërsa paraprakisht dyshohet për një sherr banal mes dy palëve të përfshirë në konflikt.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit. Grupi hetimor në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.
Njoftimi i policisë
“Rreth orës 16:00, në lagjen Salo Halili, dyshohet se gjatë një konflikti të çastit është plagosur në kofshë me armë zjarri pistoletë shtetasi J. O., 24 vjeç, i cili po merr ndihmë mjekësore në Spitalin Rajonal të Shkodrës dhe ndodhet jashtë rrezikut për jetën.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit. Grupi hetimor në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit”, thuhet në njoftim.
