Të shtëna me armë zjarri janë regjistruar në orët e para të mëngjesit të sotëm Shkodër. Mësohet në shënjestër të të shtënave ka qenë shtetasi Armand Babaj, 42 vjeç.
Ai ka qenë duke lëvizur në aksin Shkodër-Vau i Dejës, kur ka rënë nën breshërinë e plumbave. Fatmirësisht, Armand Babaj nuk ka marrë asnjë plagë dhe ka telefonuar menjëherë sallën operative të Policisë së Shkodrës.
Është ngritur menjëherë grupi hetimor dhe nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të ngjarjes, identifikimin dhe kapjen e autorit/ve.
Shkodër/Informacion paraprak
Rreth orës 02:00, shtetasi A. B., 42 vjeç, banues në fshatin Mjedë, ka njoftuar sallën operative se në aksin rrugor “Shkodër-Vau i Dejës”, në rrugën e fshatit Vukatane, Shkodër, është qëlluar me armë zjarri në drejtim të automjetit tip “Toyota”, të cilin e kishte marrë me qira, duke shkaktuar vetëm dëme të vogla materiale.
Është ngritur menjëherë grupi hetimor dhe nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të ngjarjes, identifikimin dhe kapjen e autorit/ve.
