SHËNGJIN– Një ngjarje tragjike është regjistruar pasditen e djeshme në shëtitoren e Shëngjinit ku humbi jetën 32-vjeçari, Zef Lorenci. Në foto është viktima i cili ndërroi jetë teksa punonte me skenën ku do të mbahet një koncert pranë bustit “Willson”.
32-vjeçari ka humbur jetën pasi ka rënë në kontakt me energjinë elektrike. Pas kësaj i riu ka humbur kontrollin dhe ka rënë nga skela. Rënia nga skela ka qenë fatale për 32-vjeçarin i cili ka humbur jetën në vend. Sipas informacioneve ngjarja ka ndodhur rreth orës 16:45. Nga pamjet e publikuara dje nga vendi i ngjarjes duket skena e rrethuar me shirit.
