Policia e Beratit ka vënë në pranga 19-vjeçari, Haxhi Vrapi iu gjetën doza të shumta kokaine.
Ky arrestim ka ardhur pas kontrolleve të shumta të organizuara në fshatrat e Beratit në Samaricë, Drenovicë e Pobrat, fshatra të ish/njësisë administrative Kutalli në Dimal.
Duke qenë se këtë vit në zonat Pobrat, Samaticë e Rërëz janë gjetur e asgjësuar sera me kanabis, “shtëpi bari” dhe shumë kilogram droge të presuar, mësohet se aksioni është përqendruar në sera, njësi tregtime e bare.
Si rezultat i këtij aksioni, në fshatin Drenovicë është arrestuar në flagrancë me doza të konsiderueshme kokaine, gati për shitje 19-vjeçari.
