Një aksident i rëndë është regjistruar këtë të mërkurë në Fushë-Bulqizë.
Burime bëjnë me dije se një automjet ka dalë nga rruga dhe ka përfunduar në kanal.
Si pasojë e aksidentit është dëmtuar rëndë drejtuesi i mjetit, Ramazan Meta, 25 vjeç. Mësohet se fillimisht ai është dërguar me urgjencë në spital për të marrë ndihmën e parë mjekësore, ndërsa raportohet se po dërgohet drejt Traumës me helikopter.
Policia ndodhet në vendin e ngjarjes dhe po punohet për zbardhjen e plotë të ngjarjes.
