Një 40 vjeçar me emrin Ardit Shehu është arrestuar nga policia e Tiranës pasi dyshohet se ka kryer 5 vjedhje në kryeqytet.
40 vjeçari me banim në Allias 3 prej këtyre vjedhjeve i ka kryer me dhunë. Gjithashtu në prangat e policisë ka rënë edhe një 41 vjeçar me emrin Ramadan Palushi, pasi ky i fundit i shiste në dyqanin e tij sendet e vjedhura nga Ardit Shehu.
Dyshohet se 40 vjeçari ka vjedhur me forcë një varëse floriri nga një shtetase dhe një çantë nga një shtetase tjetër në rrugën “Ali Demi”. Gjithashtu ka grabitur edhe disa sende në një automjet po në rrugën “Ali Demi” dhe një monitor në rrugën e Elbasanit.
Njoftimi i Policisë:
Autor i dyshuar për 5 vjedhje të ndryshme, 3 prej tyre të kryera me dhunë, vihet në pranga 40-vjeçari. Gjithashtu, në pranga një 41-vjeçar që përvetësoi sendet e vjedhura nga 40-vjeçari.
Shërbimet e Komisariatit të Policisë Nr. 1, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, pas një pune të mirëfilltë hetimore, kanë organizuar dhe finalizuar me sukses operacionin policor të koduar “The runner”.
Në kuadër të këtij operacioni u bë arrestimi i shtetasve:
– A. Sh. alias J. N., 40 vjeç, banues në Tiranë, për veprat penale “Vjedhja” dhe “Vjedhja me dhunë”;
– R. P., 41 vjeç, banues në Tiranë, për veprën penale “Përvetësimi i parave ose mallrave që rrjedhin nga vepra penale apo veprimtaria kriminale“.
Nga veprimet hetimore dyshohet se shtetasi A. Sh. alias J. N., gjatë muajit gusht, ka kryer 5 vjedhje të ndryshme, 3 prej të cilave me dhunë, konkretisht:
– Më datë 02.08.2023, ka vjedhur sende personale në një automjet, në rrugën “Ali Demi”;
– Më datë 10.08.2023, i ka vjedhur me dhunë çantën një shtetaseje, në rrugën “Ali Demi”;
– Më datë 11.08.2023, ka vjedhur një ekran (monitor) në një biznes, në Rrugën e Elbasanit;
– Më datë 16.08.2023, i ka vjedhur me dhunë nga qafa varësen e floririt një shtetaseje, në rrugën “Xhanfize Keko”, si dhe i ka vjedhur me dhunë aparatin celular një shtetasi, në Rrugën e Elbasanit.
Gjatë dokumentimit të plotë ligjor të vjedhjeve të kryera nga 40-vjeçari, ka rezultuar se sendet e vjedhura prej tij i përvetësonte shtetasi R. P., i cili i shiste në dyqanin e tij.
Në cilësinë e provës materiale u sekuestruan një varëse dhe një aparat celular, të dyshuar të vjedhur.
Materialet i kaluan Prokurorisë pranë Gjykatës së Rrethit Gjyqësor të Juridiksionit të Përgjithshëm Tiranë, për veprime të mëtejshme procedurale.
