Një 35 vjeçar shqiptar është vënë në pranga nga policia angleze pasi është gjetur në një shtëpi bari.
Mediat e huaja shkruajnë se i arrestuari është Oetjon Agalliu, i cili kishte mbërritur në Angli me kamion. Agalliu është gjetur nga policia brenda në një shtëpi në Bentinck Street, Mansfield, duke u kujdesur për 174 bimë kanabis, të cilat pas daljes në treg do të kapte vlerën e 146,000 paund.
Ai është kapur nga policia pas përgjimit të disa telefonatave, ku ndër të tjera kishte pyetur nëse dikush me të cilin ishte në kontakt mund të rregullonte dokumente për azil për një tjetër, duke ofruar deri në 25,000 paund.
Ai madje ofroi të paguante punonjësit e seksit për të vizituar shtëpinë e tij dhe ofroi pije dhe kokainë si “shpërblim”. Ndërkohë para policisë shqiptari ka deklaruar se ka mbërritur në Britani me shpresën për të gjetur punë, ndërsa më pas iu ofrua mundësi për të punuar në “shtëpinë e barit”.
