Ilir Paja, i njohur ndryshe me nofkën ‘Ufo’ do ta shlyejë dënimin në Shqipëri. Ilir Paja nuk do të ekstradohet drejt Italisë, atje ku është i dënuar me 24 vite e 8 muaj burg, por dënimin do ta shlyejë në vendin tonë.
Paja është dënuar nga autoritetet italiane me 25 vite burg për veprën penale të ‘vrasjes së kryer në bashkëpunim’ dhe ‘rrëmbim personi’. Italia kishte kërkuar ekstradimin e ‘Ufos’, por nga ana tjetër Prokurori kishte kërkuar që Paja ta shlyente dënimin këtu dhe sot ky vendim u njoh nga Gjykata
Ilir Paja u arrestua në nëntor të 2022 në Tiranë, në një lokal në Laprakë. Ai është strehuar për një kohë të gjatë tek disa të afërm të tij. Gjatë arrestimit policia i sekuestroi dhe një shumë prej 5 mijë eurosh. 3 muaj i janë dashur policisë të vërtetojë se personi që mbanin në përgjim, ishte i shumëkërkuari nga drejtësia italiane, i dënuar me 25 vite burg për vrasje dhe rrëmbim personi, ngjarje që kanë ndodhur rreth vitit 2006.
Paja ishte arrestuar në mars të vitit 2008 pasi mori përpara me makinë një efektiv të policisë kriminale në Tiranë që e njohu se përballë tij kishte të shumëkërkuarin. Pas gati 10 viteve në qeli, në nëntor të 2017-ës, Ilir Paja u lirua me kusht para përfundimit të dënimit nga çekiçi i gjyqtares Enkeleida Hoxha, me pretendimin se vuante nga një sërë sëmundjesh, probleme shëndetësore të vërtetuara me raporte mjekësore.
Gati një dekadë më parë, Ilir Paja ai mori nofkën “Ufo” nga policia italiane. Shkak u bënë dy arratisjet spektakolare të tij nga burgje të sigurisë së lartë në vendin fqinj.
