Një 36-vjeçar është arrestuar nga Policia në Durrës pasi akuzohet për shit-blerje të lëndëve narkotike.
Në pranga ka rënë shtetasi Ardri Duka.
Policia sqaron se gjatë kontrollit në makinë, Dukës i janë gjetur disa doza kanabisi gati për shitje.
“U kap në flagrancë dhe u arrestua shtetasi Ardri Duka., 36 vjeç, banues në Lushnjë.
Nga kontrollet në automjetin që drejtonte ky shtetas, shërbimet e Policisë gjetën dhe sekuestruan në cilësinë e provës materiale, një sasi lënde narkotike cannabis sativa, të ndarë në dhjetëra doza të gatshme për shitje në zona të ndryshme të qytetit”,– thuhet në njoftimin e bluve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
