Portali Timoni.al ka mësuar detaje të reja nga aksioni që po zhvillon aktualisht SPAK në tre qytetet të vendit, si Elbasan, Durrës dhe Tiranë.
Burime bëjnë me dije se Prokuroria e Posaçme ka lëshuar 30 urdhërarreste të cilat po ekzekutohen në tre qytete të vendit.
Aksioni i SPAK ka nisur këtë të mërkurë pas deklarimeve të bëra nga të penduarit e drejtësisë.
Ndërkohë që ky operacion po drejtohet nga Doloreza Musabelli.
Në fokus të këtij operacioni janë anëtarë të grupeve kriminale në vend, të akuzuar për trafik droge, vrasje dhe sigurim të kushteve për vrasje.
Burime bëjnë me dije se ka urdhërarreste edhe për ish-zyrtarë të lartë të drejtësisë.
Ndërkohë në pranga ka rënë edhe ish-gjyqtarja e Elbasanit Pajtime Fetahu, për të cilën është dhënë masa “Arrest shtëpie”.
