Policia në kuadër të operacionit “Mix” ka goditur dy raste të armëmbajtjes pa leje dhe të përshtatjes së lokalit për përdorim e shitje të drogës.
Në kërkim është shpallur pronari i lokalit Gentian Cenaj që kishte përshtatur ambientin për shitje e përdorim droge dhe gjithashtu mbante armë zjarri pa leje. Ndërsa u arrestua punonjësi i lokalit Ledjon Tosku 18 vjeç si bashkëpunëtor në këtë veprimtari të kundraligjshme.
Në cilësinë e provës materiale u sekuestrua një armë zjarri pistoletë, municion luftarak, 3 krehër pistolete, 4 armë të ftohta dhe prova të tjera materiale.
Ndërkohë po vijon puna për kapjen e pronarit të lokalit dhe dokumentimin e plotë ligjor i kësaj veprimtarie kriminale. Ndërsa materialet i kaluan Prokurorisë, për veprime të mëtejshme procedurale.
