Gjykata e Posaçme e Shkallës së Parë për Korrupsionin dhe Krimin e Organizuar shpalli të mërkurën më 2 tetor vendimin për 32 të pandehur nga prokuroria respektive, si anëtarë të pesë grupeve kriminale të përfshira në kultivimin dhe trafikimin e lëndëve narkotike gjatë viteve 2019-2020.
Në përfundim të gjykimit, trupi gjykues i përbërë nga gjyqtarët Matilda Llangozi, Albert Meça dhe Besmir Stroka, kanë vendosur deklarimin fajtor të 30 prej të pandehurve dhe dënimin e tyre në total me 211 vjet burgim.
Një prej të pandehurve është deklaruar i pafajshëm, ndërsa për një tjetër është konstatuar moskompetenca për t’u shprehur me vendim përfundimtar. Për një prej të pandehurve është pezulluar dënimi.
Sipas SPAK, të pandehurit akuzohen për prodhim, shitje dhe trafikim të narkotikëve. Nga hetimi atëhershëm është konstatuar kultivim i bimëve narkotike të llojit cannabis sativa në Tepelenë, Tiranë, Vlorë, Durrës, Lezhë e Përrenjas.
Ndaj të pandehurve rëndonin akuzuat “Grupi i strukturuar kriminal”, “Prodhimi dhe shitja e narkotikëve” e “Moskallëzim krimi”.
Emrat dhe dënimet e dhëna nga GJKKO:
1-Ardian Kastrati, 7 vjet burgim e 4 muaj
2-Anxhela Shehu, dënohet me 1 e 4 muaj, dënimi pezullohet, shërbim prove me 2 vjet
3-Armand Koçiu, 6 vjet e 8 muaj
4-Denardo Dervishi, 6 vjet
5-Erjon Kalemi, 6 vite e 8 muaj
6-Ervin Llana, 8 vite e 8 muaj
7-Fadil Demaj, 10 vite burgim
8-Fejzo Meçai, 2 vite burg (shpërdorim detyre)
9-Fjodor Runaj, 8 vite burgim
10-Hadër Rudaj, 5 vite e 4 muaj
11-Hetem Velaj, 8 vite burgim
12-Landi Shehu, 8 vite burgim
13-Marjano Beta, 12 vite burgim
14-Miço Bushi, 5 vite e 4 muaj burg
15-Nasip Llana, i pafajshëm
16-Servan Kërbizi, 8 vite
17-Sokol Beqiraj, 6 vite e 8 muaj
18-Valmir Polisi, 9 vite e 4 muaj
19-Xhavit Filja, 9 vite e 4 muaj
20-Abedin Llajaj, 5 vjet e 4 muaj
21-Aldo Tushaj, 8 vite e 8 muaj
22-Aleks Mecorapaj, 4 vjet e 8 muaj
23-Ardit Petraj, 4 vjet e 8 muaj
24-Ervin Begaj, 4 vjet e 8 muaj
25-Hyrjetë Runaj, 4 vjet e 8 muaj
26-Kastriot Lalaj, 4 vjet e 8 muaj
27-Klodian Delaj, 4 vjet e 8 muaj
28-Leonidha Koçiaj, 4 vjet e 8 muaj
29-Marjus Tartaraj, deklarim moskompetence
30-Mikel Ziflai, 5 vjet e 4 muaj
31-Neritan Lamaj, 4 vjet e 8 muaj
32-Sefer Dukaj, 7 vite e 4 muaj
