Janë zbardhur informacionet e fundit nga plagosja me armë zjarri mbrëmjen e sotme në qytetin e Fushë-Kurjës. Bëhet fjalë Artan Goga tregtar makinash. Ai është qëlluar me pistoletë dhe ka plagë në kokë, ndërsa është dërguar në spital.
Uniformat blu kanë identifikuar autorin si V.M, ngjarja ka ndodhur në Rrugën “Asim Zeneli”.
Krujë/Informacion paraprak
Më datë 28.02.2024, në rrugën “Asim Zeneli”, shtetasi V. M., dyshohet se ka plagosur me armë zjarri pistoletë shtetasin A. G., 57 vjeç, i cili ndodhet në spital, jashtë rrezikut për jetën.
Vijon puna për kapjen e autorit të dyshuar të ngjarjes.
Grupi hetimor po punon për sqarimin e rrethanave të ngjarjes.
