Publikimi i dosje së SPAK për Arben Ahmetajn në media, zbuloi disa emra biznesmenësh të njohur e disa jo dhe aq, të cilët përmenden për lidhjet me ish-ministrin.
Por publikimin e emrave të biznesmenëve e ka kritikuar ish-politikani Eduart Halimi, sot pronar i një studioje ligjore.
Lidhur me deklaratën e Halimit ka reaguar gazetari Habjon Hasani. Ky i fundit thotë se Halimi duhet të tregojë më parë nëse flet si palë, pra nëse përfaqëson ndonjë nga biznesmenët në fjalë, apo nëse jep mendimin e lirë si ekspert i ligjeve.
Sipas Hasanit, për çështjen e inceneratorëve ka disa persona që qëndrojnë në burg pa asnjë provë.
“Fakti qe Halimi mban pedalin e gazit te biznesmenet, jo vetem qe nuk thote asnje gje thelbesore per etiken e medias, por druaj se zbulon rolin e vet Halimit qe si avokat qe eshte, i duhet t’u pergjigjet interesave te klienteve dhe per problemet qe ata kane jashte dyerve te gjykates, neper portale e gjetke”, shkruan ndër të tjera gazetari Hasani.
Reagimi i plotë:
Lexova nje shenim te ish-ministrit te Drejtesise Eduart Halimi, i cili thoshte se permendja e emrave te biznesmeneve te lidhur me dosjen “Ahmeti” nga ana e medias, sipas tij perben shkelje te konventave e te ligjit.
Duke qene se nuk kam raportuar asnje emer biznesmeni ne Hashtag te lidhur me kete dosje, mendoj se jam ne kushte te favorshme per te shqyrtuar kete deklarate te Halimit.
Se pari dua te saktesoj se arsyeja pse nuk kam permendur asnje nga emrat e biznesmeneve eshte krejtesisht private, ne total jane nja 7-8 biznesmene aty te perfshire, nga te cilet 2 i njoh personalisht e me njerin nga te dy kam ngrene disa here buke.
Kaq mjafton qe per shkak te bukes t’i vija kryq te gjitheve, sepse nuk ka asnje kuptim qe disa t’i permendesh e disa t’i futesh ne sqetull. I rashe shkurt.
Kur te dale prokuroria me deklarate do publikoj dhe une emrat e tyre, si te bukes apo si te botes qofshin.
Se dyti, sa i takon pretendimit te Halimit, ky me se pari duhet te na thote sot qe ushtron funksionin e avokatit nese ka klient ndonjerin prej biznesmeneve apo nese ka kliente kompani te cilat jane te lidhura me keta biznesmene.
Pra duhet te na sqaroje nese po flet si pale e perfshire apo si ekspert i lire i Universit tone te pafundem.
Se treti, me shume se biznesmenet ne ate dosje preken sidomos ish-bashkeshortja dhe bashkeshorja e subjektit Arben Ahmetaj apo dhe tarafi familjar i ketyre te dyjave, qe ne gjykimin tim jane dhe viktimat me te medha te kesaj historie.
Se me shokun, zyrtarin e me ortakun ndan hesap dhe i tregon rrugen, por me familjarin eshte shume shume shume e veshtire te ndash sinoret.
Per te mos shtuar ketu dhe faktin se ne dosjet e Elbasanit apo Fierit per inceneratoret ka raste personash fakire e fukarenj qe jane djegur sa per statistike dhe mbi te cilet nuk ka asnje prove qe justifikon burgun.
Fakti qe Halimi mban pedalin e gazit te biznesmenet, jo vetem qe nuk thote asnje gje thelbesore per etiken e medias, por druaj se zbulon rolin e vet Halimit qe si avokat qe eshte, i duhet t’u pergjigjet interesave te klienteve dhe per problemet qe ata kane jashte dyerve te gjykates, neper portale e gjetke.
