Policia e Vlorës ka arrestuar dy shtetas të shpallur në kërkim kombëtar për prodhim narkotikësh dhe pjesëmarrje në një grup të strukturuar kriminal. Të arrestuarit janë Aldo Tushaj, 38 vjeç, dhe Sefer Dukaj, 45 vjeç, të dy banues në Vlorë.
Arrestimi i tyre është bërë në përputhje me një vendim të Gjykatës së Posaçme të Shkallës së Parë për Korrupsionin dhe Krimin e Organizuar, e cila më datë 1 tetor 2024 e ka dënuar Tushajn me 3 vite, 11 muaj e 18 ditë burgim, ndërsa Dukajn me 2 vite, 7 muaj e 18 ditë burgim. Ky vendim është konfirmuar edhe nga Gjykata e Posaçme e Apelit më 20 tetor 2025.
Të dy individët ishin shpallur në kërkim për kultivimin e bimëve narkotike në kuadër të aktivitetit të organizuar kriminal. Pas arrestimit, materialet procedurale iu referuan Prokurorisë për veprime të mëtejshme.
