VLORË- Policia ka arrestuar njërin prej dy autorëve, të cilët iu vunë zjarrin dy automjeteve në qytetin e Vlorës. Ngjarja ndodhi dy ditë më parë në lagjen “Isa Boletini” në Vlorë. Në kaudër të kësaj policia ka ndaluar Xhordan Skënderaj dhe ka shpallur në kërkim bashkëpunëtorin e tij, Daniel Doda, të dy banues në Vlorë.
Sipas policisë këta dy persona ka djegur qëllimisht dy automjetet tip “Audi” dhe “Suzuki. Policia ka shoqëruar Skënderajn drejt ambienteve të komisariat, ndërsa po punon për kapjen e autorit të dytë.
Njoftimi i policisë
Strukturat hetimore të Komisariatit të Policisë Vlorë, pas një pune të mirëorganizuar hetimore dhe nën drejtimin e Prokurorisë Vlorë, finalizuan me sukses operacionin policor të koduar “Double Flames”, në kuadër të të cilit u dokumentua ngjarja e ndodhur më datë 10.11.2025, në lagjen “Isa Boletini”, ku u dogjën me zjarr dy automjete. Si rezultat, u bë ndalimi i shtetasit Xh. S., 21 vjeç, dhe shpallja në kërkim e shtetasit D. D., 28 vjeç, të dy banues në Vlorë.
Nga veprimet hetimore dyshohet se këta shtetas, në bashkëpunim me njëri-tjetrin, kanë djegur me lëndë djegëse dy automjete, tip “Audi” dhe “Suzuki”. Punohet për zbardhjen e motivit, si dhe për kapjen e autorit të dytë”, njoftoi sot policia. Materialet procedurale u referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Shkatërrimi i pronës me zjarr”, kryer në bashkëpunim.
