Presidenti i La Ligës, Javier Tebas, nuk është i kënaqur me Kupën e Botës për Klube dhe premton ta ‘eliminojë’ këtë garë para edicionit të tij të ardhshëm në 2029.
Presidenti i La Ligës, Tebas, nuk mbështet aspak Kupën e Botës për Klube të organizuar nga FIFA, duke deklaruar se do të punojë për “eliminimin” e këtij turneu, pasi versioni i ri përbën një kërcënim të madh për “qëndrueshmërinë e futbollit”.
FIFA ka ristrukturuar Kupën e Botës për Klube me një format të ri, që përfshin 32 ekipe nga të gjitha konfederatat që garojnë në fazën e grupeve, pasuar nga faza eliminatore, ngjashëm me Botërorin.
Më parë, Kupa e Botës për Klube zhvillohej zakonisht në fund të vitit ose pak pas fillimit të vitit të ri, me pjesëmarrjen e vetëm fituesve të kompeticioneve kryesore kontinentale të organizuara nga secila nga gjashtë konfederatat.
Në një event të industrisë së futbollit, Tebas u pyet se si mund ta rishikojë FIFA formatin aktual të Kupës së Botës për Klube.
“Duke e eliminuar atë. Qëllimi im është që të mos ketë më Kupa të Botës për Klube, kjo më është shumë e qartë. Nuk ka data të përshtatshme”.
“Nuk ka nevojë për një tjetër kompeticion që transferon para në një sektor të klubeve dhe lojtarëve dhe vjen nga diku tjetër”.
“Nuk ka më para këtu. Ne duhet të ruajmë ekosistemin dhe ta eliminojmë. Të mbahet si më parë, që ishte një fundjavë”.
“Nuk ka mënyrë, as nga ana e datave, as ekonomike, as nga aspekti i qëndrueshmërisë së futbollit”, ka thënë Tebas.
