Jani Aliaj, një emër i njohur në krimin shqiptar, u vra sot në burgun e Koridhalos në Greqi. Ai kishte një histori kriminale të rëndë dhe kishte marrë dënimin me burgim të përjetshëm për vrasjen e Elton Çiços, një ngjarje që ndodhi më 1 Maj 2016 në Tirane, si pjesë e një hakmarrjeje. Aliaj u arrestua rastësisht në mëngjesin e 31 dhjetorit 2024 nga skuadra “DIAS” për shkak se u hodh në dyshim teksa ecte në rrugë. Gjatë kontrollit, u zbulua se ai mbante një kartë identiteti false greke.
Pas arrestimit, ai u dërgua në stacionin e policisë Moskato për hetime të mëtejshme. Verifikimet treguan se Aliaj ishte arratisur nga burgu i Korfuzit, ku vuante dënimin e tij për vrasjen e një shtetasi shqiptar dhe krime të tjera, ngjarje që kishin ndodhur në vitin 2006 në Athinë. Ai kishte në total një dënim të përjetshëm i cili përfshinte edhe 2 vjet dhe 12 muaj për plagosje të rëndë dhe armëmbajtje pa leje.
Përveç dënimeve të tij në Greqi, Aliaj kërkohej gjithashtu ndërkombëtarisht për dy raste të tjera vrasjesh në Shqipëri, të ndodhura në tetor 2015 dhe maj 2016. Këto informacione, së bashku me historinë e tij të gjatë kriminale, e bënin Aliajin një person shumë të rrezikshëm në botën e krimit.
Vrasja e tij në burg ngre pyetje rreth sigurisë dhe kushteve të mbajtjes së të burgosurve të rrezikshmërisë së lartë në sistemin e burgjeve greke. Rasti është nën hetim dhe priten më shumë detaje në lidhje me rrethana dhe motivet e ngjarjes.
