Artan Hoxha ka dhënë detaje të reja për ngjarjen e rëndë që ndodhi ditën e sotme, ku u ekzekutuan Gjokë Gurra dhe Eduart Gurra, babë e bir, në fshatin Bruçaj.
Hoxha deklaroi në emisionin “Të Paekspozuarit se këto ekzekutime mund të jenë të lidhura me kultivimin e kanabisit dhe
operacionet e policisë për asgjësimin e kësaj lënde narkotike. Sipas Hoxhës, këto janë dyshimet e autoriteteve sepse Gjokë Gurra ishte edhe kryeplak i fshatit Bruçaj dhe duhet të raportonte për zonën.
Kjo ngjarje ka ndodhur edhe në Theth ku janë vrarë babë e bir, u kanë djegur lokalin, sapo kanë dalë nga Policia i kanë ekzekutuar.
Është një ngjarje në proces e sipër, policia nuk ka shumë orë që ka shkuar atje.
Ndaj të dy viktimave nuk ka patur ngarkesë penale të mëparshme.
Dyshimi është, meqenëse është zonë e njohur për kultivim kanabisi, dyshim fillestar ka nisur hetimi nga aty.
Më vonë do të shihet nëse ka probleme konflikti apo fakti që si kryeplak ka dhënë informacion në lidhje me zonën”, deklaroi Hoxha.
