Në mes maleve të larta dhe kthesave të shumta të rrugës Kukës–Peshkopi, çifti suedez Rianna, 32 vjeçe, dhe bashkëshorti i saj Rei, 46, ndalin për një pushim të shkurtër gjatë udhëtimit të tyre me biçikletë nëpër Ballkan. Të apasionuar pas aventurave, ata po eksplorojnë Shqipërinë për të parën herë, në ditën e katërt të qëndrimit të tyre.
Rianna shpjegon se fillimisht kishin planifikuar të ndalonin në Peshkopi, por tani kanë vendosur të vazhdojnë drejt Maqedonisë dhe Kosovës. Ajo e përshkruan udhëtimin si një eksperiencë të mrekullueshme, përkundër vështirësive të ngjitjes në male. “Rrugët janë të mira dhe ky është një udhëtim i veçantë për ne,” thekson ajo. Në Suedi, ajo e përdor biçikletën kryesisht për të shkuar në punë, por tani po e shijon tërheqjen e çiklizmit në një kontekst mëzbuluese.
Rianna nënvizon se çiklizmi është një mënyrë e bukur për të udhëtuar, duke u dhënë mundësi për të njohur njerëz dhe krijuar lidhje me komunitetin e çiklistëve. “Shqipëria është e mrekullueshme, me male dhe pamje të jashtëzakonshme. Mesazhi im është: ejani në Shqipëri, do të mbeteni të mahnitur,” thotë ajo.
Rei gjithashtu shpreh impresionet e tij për Shqipërinë, të cilën e sheh si një zbulim të veçantë. “Kemi parë natyrë të jashtëzakonshme dhe mikpritje të ngrohtë. Herën e parë këtu, ndonjëherë është e vështirë të komunikohet, por gjithmonë gjejmë mënyra për të bërë biseda. Nuk kemi ndier kurrë pasiguri,” shprehet Ai.
Për çiftin, kujtimet, bisedat dhe mikpritja e shqiptarëve do të mbeten si një kapitull i veçantë në udhëtimin e tyre. Shqipëria, me bukuritë e saj natyrore dhe njerëzit e saj të ngrohtë, ka lënë një përshtypje të paharrueshme.
