Ndërkohë që shumica e gjermanëve me siguri mendonte se po bënte jetën e vet të zakonshme, në fakt çdo udhëtim gjatë fundjavave, çdo udhëtim me metro për në punë, çdo udhëtim me autobus për në dyqan dhe çdo udhëtim me tren për në ndonjë liqen në atë vapën e madhe, kishte qënë një pjesës, një copëz e vogël e një eksperimenti gjigant: E biletës së trenit vetëm 9 euro të Gjermanisë!!!
E krijuar për të ofruar lehtësim kundër rritjes së inflacionit dhe për të inkurajuar udhëtime në vazhdim, ajo lejoi përdorimin e pakufizuar të transportit vendor dhe rajonal në të gjithë vendin.
Udhëtimi hekurudhor në Gjermani është bërë mjaft i shtrenjtë, shpesh shumë. Deutsche Bahn (DB), ofruesi kombëtar hekurudhor i Gjermanisë, ofron abonime ditore rajonale hekurudhore në nivel shtetëror duke filluar nga 22 euro. Këto abonime janë të mira vetëm nëse qëndroni brenda një shteti, ndërsa biletat ditore kombëtare fillojnë nga 42 euro.
Për ata që nuk planifikojnë një ditë të vetme të mbushur me udhëtime, udhëtimet individuale rajonale hekurudhore zakonisht janë më të shtrenjta se lejekalimet. Trenat me shpejtësi të lartë “ICE” të Gjermanisë kushtojnë edhe më shumë.
Këto çmime e bëjnë udhëtimin hekurudhor të pamundur për shumë njerëz. Megjithatë, për disa muaj, transporti publik u hap për një popullsi shumë më përfaqësuese të të gjithë publikut. “Me biletën prej 9 eurosh, për shumë familje që të dilnin në fundjavë u bë një mundësi reale. Thjesht hipën në tren një të shtunë dhe bën një udhëtim”, tha Moritz Ehl për Euroneës.
Ehl është një koordinator në “Mobility for All”, një organizatë në shtetin e Rheinland-Pfalz që nxit transportin më të aksesueshëm.
“Familjet, pensionistët dhe njerëzit që jetojnë në varfëri papritmas patën mundësi të reja për kohën e tyre të lirë, së bashku me aftësinë për të marrë pjesë plotësisht në shoqëri,” tha Ehl.
Programi jo vetëm që bëri të mundur një festë të rrallë për shumë njerëz që po luftonin me varfërinë, por lehtësoi presionin financiar të jetës së përditshme.
Dhe 4 efektet e tjera:
2. Shumë gjermanë hoqën dorë nga makinat e tyre
3. Transporti publik u rikthye në axhendën e klimës
4. Gjermania mund ta kapërcejë burokracinë kur të dojë
5. Shteti mund të ndihmojë nëse ekziston vullneti politik.
Ministria e Punës dhe Çështjeve Sociale e Gjermanisë përdor një vlerësim të kostos së jetesës në mbarë vendin për të përcaktuar shtesat mujore për rreth shtatë milionë gjermanë që marrin asistencë sociale, e cila përfshin përfitimet e papunësisë, mirëqenies dhe pensionit.
Që nga viti 2022, vlerësimi lejon vetëm 39,01 euro në muaj për të gjitha shpenzimet e transportit. Por kostoja mesatare e një bilete mujore hekurudhore lokale në qytetet gjermane është 80,60 euro.
“Kjo do të thotë që ju mund të bëni disa udhëtime të vetme, por çdo herë duhet të mendoni vërtet nëse mund ta përballoni udhëtimin. Qoftë për mjekun, për të bërë pazar, apo edhe për të punuar… E gjithë kjo s’është e mundur për vetëm 39 euro”, tha Ehl.
Duke pasur parasysh që edhe transporti publik vendor është i paarritshëm për kaq shumë njerëz në Gjermani, nuk është çudi që edhe kompania lokale e transportit të Berlinit raportoi një rritje prej 14% në shitjet e biletave që nga maji 2022.
