Ditën e shtunë, në datë 26 Mars, më shumë se 1 mijë avokatë të kryeqytetit pritet të votojnë për organet e tyre drejtuese.
Njësoj si në rastin e Federatës Shqiptare të Futbollit edhe këtu politika s’mund të rrijë pa futur duart.
Një nga kandidatët kryesor në garë, Fatmir Brraka ka dhënë dorëheqjen për të mbështetur Sajmir Vishën në krye të kësaj dhome raporton portali Timoni.al
Disa avokatë të cilët redaksia i konsultoi, bënë me dije se do votonin zotin Brraka, por ky i fundit për arsye të paqarta është tërhequr duke u bërë thirrje mbështetësve të vetë të votojnë avokatin Sajmir Visha. Duket se Visha është i përzgjedhuri i politikës dhe kryetarit të Dhomës së Shqipërisë, Maks Haxhia.
Në garë janë edhe avokatët Ledio Braho dhe Edmond Petraj.
Duhet të presim deri të shtunën për të parë se kush do jetë drejtuesi i ri i Avokatëve të Kryeqytetit, Edmond Petraj, Ledio Braho apo Sajmir Visha.
