Alfred Peza është kapur përsëri në flagrancë. Të nderuar lexues, ju njoftojmë se RTSH nuk do të jetë transmetuesja e ndeshjeve të Kampionatit Europian të Futbollit “UEFA EURO 2024”.
Ndërkohë që publiku shqiptar pret me padurim që të shikojë ndeshjet e këtij kampionati në ekranin e RTSH, me çrast janë shumë të mëdha mundësitë që Shqipëria të jetë e pranishme në këtë kampionat, sidomos tani pas fitores së djeshme me Çekinë, Alfred Peza e ka shitur mundësinë e madhe që RTSH të jetë transmetuesi i këtij kampionati.
Me çfarë mënyre e ka bërë këtë Alfred Peza ? Fare thjesht, me mosveprim. Burimet konfirmojnë për portalin Timoni.al se RTSH nuk ka marrë pjesë fare në procedurën e tenderit për blerjen e të drejtave televizive pa pagesë (Free TV) për territorin e Shqipërisë, duke i hapur rrugën konkurrencës. RTSH nuk dërgoi ofertë në UEFA.
RTSH do të humbasë mbi 2 milionë euro nga reklamat, të cilat do t’i marrë televizioni që do të bëjë transmetimin pa pagesë (Free TV) të Kampionatit Europian të Futbollit “UEFA EURO 2024TM”. Sa është pjesa e Alfred Pezës në këtë pazar ? Nëse nuk e keni ditur se si i ka bërë një milionë euro Alfred Peza, mësojeni se si bëhen paratë.
