Policia e shtetit kohët e fundit ka ndërmarë konkurse për dhënien e gradave Komisar, Kryekomisar, Drejtues, Drejtues i Parë. Bëhet fjalë për dhënien në tërësi të rreth 550 gradave të niveleve të mësipërme.
Por ashtu siç janë bërë emërimet dhe dhënia e gradave të funksioneve të veçanta në kundërshtim të ligjit ashtu dhe dhënia e gradave me këto konkurse janë në kundërshtim me ligjin. Në momentin që u hapë aplikimet të gjithë punonjësit e policisë që plotësonin kriteret aplikuan për marrjen e gradës.
Kur u mbyllën aplikimet u pa që kriterin e plotësimit të dosjes administrative e plotësonin punonjës të cilët nuk ishin ata që Drejtori i përgjithshëm i Policisë si dhe Drejtori i Departamentit të Krimeve do donin të fitonin gradën dhe për këtë ngritën grup pune dhe ndryshuan kriteret gjatë konkursit duke ulur pikët e dosjes administrative dhe duke rritur pikët e intervistës me qëllim që tu jepnin pikë atyre që donin pasi me dosjen nuk luanin dot. Në këtë mënyrë krijuan një proces të manipuluar me të cilin Ju dhanë gradat atyre që ju kishin premtuar ose atyre që deshën duke djegur ata që e meritonin.
