Ditën e djeshme policia shqiptare shpërndau lajmin për të gjithë mediat për ndalimin e të shumë kërkuarit Behar Bajri. Sipas policisë, Bajri është arrestuar në një lokal në Francë pas punës së zhvilluar midis policisë sonë dhe asaj franceze.
Por burime për portalin Timoni.al bëjnë me dije se Behar Bajri nuk është arrestuar si pasojë e punës së policisë por është vet dorëzuar për të kërkuar azil. Bajri ka deklaruar para autoriteteve franceze se emri i tij është i përmendur nga politika dhe se ndihet i kërcënuar në Shqipëri. Sic duket autoritetet franceze nuk e kanë marr parasysh kërkesën e tij për azil dhe kanë vënë në dijeni policinë sbqiptare.
Në dosjen hetimore të operacionit “Metamorfoza” u fundos grupi kriminal, ku mes tyre ishte edhe Behar Bajri, i cili kishte planifikuar që të vriste Ibrahim Licin dhe Genc Tafilin.
Gjithashtu nga përgjimet rezulton se ai komunikonte me biznesmenin tashmë të arrestuar nga qelia e paraburgimit “Jordan Misja” në Tiranë përmes SkyECC komunikonte me Pëllumb Gjokën dhe i kërkonte që të dalë sa më shpejt nga paraburgimi, pas arrestimit në sajë të operacionit OAZ, shtatorin e vitit 2018. Madje është gati të ofrojë shuma të mëdha parash në këmbim të zbutjes së masës së sigurisë.
Bajri, i konsideruar si një nga personazhet më të rrezikshme të botës së krimit në Shqipëri, akuzohet se ka vrarë në gjumë partneren e tij 15-vjeçare, Fabiola Bajri dhe shtetasin Arben Tuzi, ngjarje këto të vitit 2002.
