FRANCE – Marseja nuk është dorëzuar nga mundësia për të patur 26-vjeçarin Edon Zhegrova. Sipas burimeve të brendshme në OM, klubi, pas disa ditësh negociatash, ka arritur një marrëveshje kontraktuale me anësorin 26-vjeçar.
Por ende jo me LOSC. Negociatat tani do të fillojnë midis dy klubeve për të arritur një marrëveshje një vit para përfundimit të kontratës së lojtarit kosovar.
I rekrutuar nga Lille në janar 2022, Zhegrova shënoi katër gola dhe dha një asist në 12 ndeshje të Ligue 1 sezonin e kaluar. I lënë jashtë kur rifilluan stërvitjet, lojtari ndërkombëtar kosovar (34 ndeshje, 4 gola) u rikthye në skuadrën e klubit verior më 10 gusht, por nuk luajti në dy ndeshjet e para kundër Brest dhe AS Monaco.
“Ne menduam se ai mund të largohej në një moment. Por mendoj se sot, kushtet nuk janë domosdoshmërisht të përshtatshme që ai të largohet”, tha presidenti i LOSC, Olivier Létang, për të në një konferencë për shtyp më 8 gusht.
