Veliaj zyrtarisht i pandehur nga SPAK/ Të mërkurën kryebashkiakut do t’i komunikohen akuzat
Kryebashkiaku i Tiranës, Erion Veliaj i cili është në paraburgim që prej 10 shkurtit të këtij viti, është marrë sot zyrtarisht i pandehur nga Prokuroria e Posaçme (SPAK).
Nesër, më 23 korrik SPAK do t’i komunikojë akuzat zyrtare Veliajt për të cilin pretendohet se ka kryer veprat penale të korrupsionit pasiv në 9 raste të ndryshme, pastrimit të parave dhe të fshehjes së pasurisë.
E pandehur është marrë edhe bashkëshortja e tij Ajola Xoxa për fshehje të pasurisë dhe pastrim parash. Gjithashtu në kuadër të hetimeve për kryebashkiakun, është marrë i pandehur edhe biznesmeni Eman Abule për pastrim parash, ndaj të cilit Apeli i GJKKO ka caktuar më herët masën e sigurisë “arrest shtëpie”.
