Kryekomisioneri Ilirjan Celibashi në një konferencë për mediat foli për procesin e numërimit të votave për zgjedhjet e 11 majit. Celibashi theksoi se procesi nuk ka shkuar dhe aq mirë, më tej ka renditur se sa qendra votimi janë numëruar për secilin qark.
Në Berat janë numëruar 197 qendra votimi
Në Dibër 119 qendra votimi
Në Durrës 238 qendra votimi
Në Elbasan 377 qendra votimi
Në Fier 273 qendra votimi
Në Gjirokastër 164 qendra votimi
Në Korçë 275 qendra votimi
Në Kukës 119 qendra votimi
Në Lezhë 117 qendra votimi
Në Shkodër 246 qendra votimi
Në Tiranë 615 qendra votimi
Në Vlorë 341 qendra votimi
“Lidhur me KZAZ-të janë 24 KZAZ nga 93 gjithsej të cilat e kanë përfunduar procesin e numërimit për subjektet zgjedhore dhe kanë vendosur, për shkak të lodhjes së tyre të fillojnë nesër me procesin e numërimit të votave për kandidatët e listës së hapur.
Procesi i numërimit ka shkuar mirë, por edhe sikur në zgjedhjet e tjera kemi probleme me ecurinë dhe vazhdimësinë normale të këtij procesi. Në pjesën me të madhe kjo ecuri e ngadaltë është kushtëzuar nga lodhja e numëruesve dhe anëtarëve të KZAZ-së. Një pjesë e tyre kanë qenë komsionerë dhe kur ka përfunduar votimi u është dashur të kryejnë edhe detyrën e numëruesit. Partitë të marrin masa për të ndryshuar anëtarët e grupeve të numërimit. Ata e dinë se cilët njerëz kanë të propozuar dhe angazhuar dhe duhet të ndërtojnë një sistem me trune. Nuk mund të lejojmë ndërprerjen e procesit të numërimit të votave”, tha Celibashi.
