Zhdukja e Ervis Martinaj prej më shumë se një viti ka vënë një lëvizje policinë për të gërmuar më tej në gjetjen e një të dhëne që të zbardhë fatin e mistershëm të mbretit të llotove.
Kur ende nuk ka asnjë pistë zyrtare mbi fatin e tij shumë pista janë hetim nga policia. Nga bandat e Shijakut e deri tek pronat në Palasë që janë mbushur me vila nga Samir Mane, jane disa nga pistat që po heton prokuroria. Pak kohë më parë biznesmeni Samir Mane është thirrur dhe është mbajtur 5 orë në pyetje në SPAK. Kjo është një çështje e rëndësishme që ruan shumë mister brenda mbi fatin real të Ervis Martinajt.
Ervis Martinaj u bë njeriu më i kërkuar pas dëshmisë së të penduarit të drejtësisë Nuredin Dumani, që rrëfeu se Martinaj i kishte ofruar 500 mijë euro, për eliminim e Endrit Dokles, numrit 2 të Bandës së Durrësit.
Por teksa ndodhej në kërkim policor, ai humbi çdo kontakt edhe me familjarët e tij në Gusht të vitit 2022, të cilët e deklaruan të zhdukur.
Fati i Ervis Martinajt ende nuk dihet. Policia dhe Prokuroria e Kurbinit akoma nuk kanë përgjigje nëse ai është gjallë apo ekzekutuar. I vetmi i arrestuar për rastin është ish-polici Jeton Lami, i cili ka kyçur gojën dhe nuk ka bashkëpunuar me drejtësinë për të shkuar drejt zbardhjes së ngjarjes.
