GREQI- Një ngjarje tragjike ka ndodhur në qytetin e Katerinit në Greqi. Mësohet se një vajzë 14-vjeçare shqiptare ka ndërruar jetë pas një incidenti tragjik të ndodhur mbrëmjen e së dielës. Sipas mediave greke, e mitura u rrëzua nga një urë rreth 10 metra e lartë dhe pësoi dëmtime të rënda.
E mitura fillimisht u transportua me urgjencë me autoambulancë në spitalin e Katerinit, por për shkak të gjendjes së rëndë, mjekët vendosën që të dërgohej në spitalin “G. Gennimatas” në Selanik dhe më pas në spitalin “Ippokrateio”. Pavarësisht përpjekjeve të shumta të mjekëve për ta mbajtur në jetë, vajza ndërroi jetë mbrëmjen e së hënës.
