Vetëm më pak se 7 ditë nga arrestimi i të shumë kërkuarit nga SPAK në kuadër të operacionit “Revanshi” Altin Morina, me urdhër të drejtorit të përgjithshëm të policisë Proda shkrihet i gjithë komisariati nr 2 në Tiranë.
Ish-efektivi i RENEA që u shpall në kërkim nga SPAK pas zbardhjeve të bisedave SkyECC akuzohet si bashkëpunëtor i Durim Bamit dhe pjesmarrës në grup të strukturuar kriminal për kultivimin e bimëve narkotike në zonën e Tapizës dhe Nikles.
Ish-efektivi Altin Morina, pavarësisht se ishte person në kërkim nga SPAK, lëvizte lirshëm rrugëve të kryeqytetit i armatosur dhe nën mbrojtjen e drejtorit të përgjithshëm të policisë së shtetit Ilir Proda. Arrestimi i tij ka sjelle largimin nga detyra të shefit të komisariatit nr 2, shefit të krimeve, OPGJ-së dhe gjysmës së agjentave të komisariatit të cilët janë transferuar ose kaluar në trupën e patrullës së përgjithshme në komisariate të tjera.
Skandali Proda-Morina-Bami bëhet dhe më i rëndë pasi AMP që duhet të hetonte rastin e paprecedentë të shpërbërjes së tërë komisariatit, nëpërmjet mikut tjetër të Altin Morinës po u bën presion efektivëve të mbetur në komisariat të japin dorëheqjen.
Miqësia Proda-Morina-Bami ndihet në koridoret e drejtorise së përgjithshme të policisë së shtetit që në kohën kur ky grup menaxhonte clubet e njohura të bllokut dhe ishte nën vëzhgimin e SHISH si grup që merrei me menaxhimin dhe shitjen e lëndëve narkotike në zonën e ish-bllokut.
Ish efektivi i RENEA Altin Morina, person me rrezikshmëri të lartë shoqërore, u arrestua mbrëmjen e 3 prillit duke lëvizur lirshëm rrugëve të kryeqytetit, nga forcat e komisariatit nr 2 në Tiranë. Në momentin e arrestimit ai ishte i armatosur me arme zjarri gati për qitje.
