Mendonit se vetëm lufta në Ukrainë është fajtore për rritjen e çmimeve? Nuk jeni të saktë, edhe Beyoncé “ka gisht në këtë punë”.
Fillimi i turneut botëror të këngëtares në Suedi muajin e kaluar ndezi një furi kërkesash për hotele dhe ushqime në restorante, saqë ka ndikuar në statistikat ekonomike të vendit.
Suedia raportoi inflacion më të lartë se sa pritej, prej 9.7% në muajin maj. Rritja e çmimeve për hotelet dhe restorantet qëndronin pas surprizës.
Michael Grahn, ekonomist në Danske Bank, tha se mendonte se Beyonce ndihmoi në rritjen e tarifave të hoteleve dhe restoranteve.
“Unë nuk do ta fajësoja Beyoncé-n për inflacionin e lartë, por performanca e saj dhe kërkesa globale për ta parë të performojë në Suedi me sa duket ndikuan jo pak”, tha ai.
Nuk ka dyshim se turneu i parë solo i këngëtares në shtatë vjet shënon një moment të madh ekonomik.
