TIRANË- Detaje të reja janë zbardhur në lidhje me lëvizjet e autorëve të vrasjes së Renis Dobrës para se ata të kryenin aktin e rëndë. Dy prej autorëve janë arrestuar ndërsa dy të tjerë janë në kërkim.
Mësohet se tre vëllezërit Kristi, Fatjon dhe Aleksandër Bushgjokaj së bashku Petrit Çakrrin kanë përdorur makina me qira për kryer çdo lëvzije para se të kryenin krimin. Autorët kanë marrë disa makina me qira në Rinas dhe Yzberisht disa ditë para kryerjes se krimit.
Ata i kanë ndërruar makinat disa herë për të humbur gjurmët pasi kanë bërë vëzhgimin e lëvizjeve të Renis Dobrës në Burrel, deri mbrëmjen e 8 korrikut kur e morën peng dhe pasi e mbytën me litar e hodhën në Liqenin e Shkopetit.
Autorët rezulton se kanë tentuar të heqin disa herë GPS e makinave me qira por nuk ia kanë arritur. Dyshimi i parë i policisë është se autorët kanë pasur konflikt të drejtpërdrejtë me Dobrën, por nuk përjashtohet mundësia ta kenë bërë për llogari edhe të personave të tjerë, po për drogën në Gjermani.
Një prej vëllezërve Bushgjokaj akuzohet për përkrahje të autorit të krimit pasi rezulton se ka dërguar në Kosovë 2 vëllezërit e tjerë pas ngjarjes. 2 të tjerët akuzohen se kanë bashkëpunuar në kryerjen e krimit.
