Ish-kreu i komanduar i PD-së, Enkelejd Alibeaj i është përgjigjur akuzave të ish-kryeministrit Sali Berisha se kryeministri e mban peng atë me të vëllain kriminel Taulant Alibeaj, ku prertendon se ky i fundit është arrestuar në vitin 2016 në Gjermani.
Në një intervistë televizive, Alibeaj tha se akuzat e bëra nga Berisha janë akuza që janë bërë nga Saimir Tahiri dhe Edi Rama në vitin 2016, kohë kur sipas tij Alibeaj ishte në një pozicion që shpesh i duhej të bënte edhe denoncime të cilat mund të preknin disa interesa.
Ai shtoi se nëse në ato vite edhe Berisha bënte të njëjta denoncime, sot përdor akuzat e kundërshtarëve politik ndaj tij, për shkak se siç shprehet Alibeaj “i mugon fantazia për të shpikur”.
“Mirë është të sqarohet, të më thotë ai rastet se kur ka ndodhur kjo. Unë jam kundër Edi Ramës në të gjitha pikat. Jam kundër filozofisë së Ramës, Berishës dhe Metës”,-tha Enkelejd Alibeaj.
