Besimi i dhënë disa individëve të paaftë për të drejtuar institucione të rëndësishme po kthen në kaotike gjithë situatën në spitalin e Librazhdit. Prej disa muajsh, drejtoresha e re e këtij institucion Fatbardha Qatja, ka nisur një reprezalje të paprecedentë ndaj punonjësve të këtij institucioni. Në mungesë të plotw të transparencës dhe në shkelje të hapur të kodit të punës, Qatja po dhunon hapur të drejtat e punonjësve me marifetet që krijon për ti larguar nga puna.
Sanitaret dhe infermieret janë ‘preja’ e preferuar e drejtoreshës, që të largon nga puna jote si infermiere prej 20 vjetësh, duke të të kërkuar të japësh dorheqjen, me arsyetimin se do të rregullojë më mirë në një pozicion më të rehatshëm pune por që pastaj të harron e të flak rrugëve. Këtë skemë, Qatja e ka përdorur me disa punonjës, si shoferë ambulance apo sanitare. Por kur has në kundërshti nga punonjësit për dhënien e dorëheqjes, Qatja shpejt ju bën gati urdhrin për lirimin e menjëhershëm nga detyra, me arsyetimin se u shkurtua pozicioni i punës për mungesë fondi.
Urdhër largimi nga puna e firmor nga Fatbardha Qatja
Te penalizuar nga kjo batërdi e drejtoreshës janë plot 15 sanitare dhe infermiere, të gjithë me disa vite punë mbi shpatulla dhe që tani kur janë në prag pensioni detyrohen t’ju drejtohen gjykatave për të fituar të drejtën e vet. Janë disa punonjëse që kanë hapur proces gjyqësor ndaj drejtoreshës Qatja për ndërprerje të njëanshme të mardhënieve të punës, që padiskutim pavarësisht burokracive e kanë të sigurtë fitimin e të drejtës së tyre në gjykatë, si shumë e shumë punonjës të tjerë të administratës shtetërore që largohen njëanshmërisht nga pozicioni i tyre i punës.
Por kush është Fatbardha Qatja, që bën këtë reprezalje në institucionin që drejton?
Qatja ka mbaruar shkollën e lartë në vitin 2003 në ‘Fakultetin e Shkencave Humane‘ për ‘Gjuhë – Letërsi’ dhe plot 9 vite më mbrapa, ka përfunduar një master në një universitet privat për mardhënie ndërkombëtare.
Në drejtimin e Drejtorisë Rajonale Spitalore Librazhd, Qatja është totalisht jashtë profilit dhe kjo sjell që situata ti dalë jashtë kontrrollit për shkak të formimit jo të duhur. Prej vitesh Qatja është pjesë e strukturave drejtuese ne institucionet e qytetit të Librazhdit dhe ka mbajtur pozicione drejtuese në institucione të rëndësishme në këtë qytet.
Më herët ajo ka mbajtur postin e Drejtoreshës së zyrës arsimore Librazhd ku mbahet mend përvec punësimeve dhe emërimeve nepotike që bënte edhe për shkarkimin nga puna të 28 mësuesve disa javë para nisjes së vitit akademik 2015-2016.
Reprezalje kjo që nxorri në protestë dhjetra mësues dhe detyroi ministrene arsimit të asaj kohe të vijë personalisht në Librazhd dhe të kthejë me vendim të prerë edhe një herë mësuesit e larguar. Të shohim se cdo të ndodhë këtë herë me sanitaret dhe infermierët e larguar padrejtësisht nga puna.
