Dy të rinj janë arrestuar në Durrës për vjedhje të parave dhe sendeve në lokalet e plazhit. Shërbimet e Policisë, duke vazhduar përpjekjet për të parandaluar dhe zbardhur vjedhjet, arritën të kapnin në flagrancë E. H. (29 vjeç) dhe M. I. (25 vjeç), të dy banues në lagjen nr. 13.
Arrestimi ndodhi gjatë një tentativë vjedhjeje në lokalin e shtetasit B. M., ku ata ishin duke marrë sende të ndryshme dhe një shumë parash. Po ashtu, në rrugën “Bajram Curri”, ata u kapën gjithashtu teksa merrnin pije alkoolike dhe një biçikletë.
Dyshohet se të rinjtë kanë kryer dhe një vjedhje tjetër në një bar-piceri, pronë e shtetasit A. G., në lagjen 13, ku kanë marrë një shumë prej 3 milionë lekësh dhe një aparat telefonik. Gjatë operacionit, policia sekuestruan një pjesë të shumës së vjedhur dhe një aparat celular. Po ashtu, është bërë sekuestrimi i biçikletës dhe një sasie lekësh.
Materialet e këtij rasti do t’i kalojnë Prokurorisë së Shkallës së Parë të Juridiksionit të Përgjithshëm në Durrës, për veprën penale “Vjedhja në bashkëpunim” sipas nenit 134/2 të Kodit Penal.
