Deputetët britanikë janë duke u angazhuar për të paraqitur një mocion parlamentar që synon t’i heqë Princit Andrew titullin e Dukës së Jorkut. Kjo iniciativë vjen pas një shtimi të presionit ndaj qeverisë britanike për qëndrimin e tij në Royal Lodge, një rezidencë me 30 dhoma në Windsor, për të cilën ai nuk ka paguar qira për më shumë se dy dekada.
Sekretari i biznesit, Peter Kyle, e konsideron situatën si një çështje që i përket pallatit mbretëror, duke vënë në dyshim nëse Andrew duhet të vazhdojë të qëndrojë aty pas akuzave të reja lidhur me marrëdhëniet e tij me Jeffrey Epstein, një i dënuar për abuzim seksual me fëmijë. Sipas kontratës, e publikuar nga The Times, Andrew ka paguar 1 milion paund për qira dhe ka investuar të paktën 7.5 milionë paund për rinovimin e kësaj rezidence, ku ka të drejtë të banojë deri në vitin 2078.
Ky presion është intensifikuar pas akuzave të reja nga Virginia Giuffre, një nga të mbijetuarit e Epstein, e cila pretendon se ka pasur marrëdhënie me Princin Andrew. Shkrimtarja Amy Wallacw e cilësonsi do të ishte një fitore nëse Princi Andrew do të heqë dorë vullnetarisht nga titujt e tij, duke e quajtur atë një “gjest simbolik”.
Ndërkohë, ka pak mundësi që deputetët të arrijnë të heqin zyrtarisht titujt e princit. Për një veprim të tillë, do të nevojitej një akt parlamentar, një proces që duket se qeveria nuk ka ndërmend ta nisi, përveçse të kërkohet nga pallati. Të martën, partia SNP paraqiti një mocion të parakohshëm (EDM) për heqjen e titullit të Princit Andrew si Dukë i Jorkut, titull që ai ka shpallur se nuk do ta përdorë më.
Ky zhvillim reflekton tensionet në lidhje me statusin e Princit Andrew dhe sfidat rreth reputacionit të monarkisë britanike.
