Mbrëmjen e martës, një lokal në Ishull-Lezhë është përfshirë nga flakët, duke shkaktuar dëme në pjesën e pasme dhe duke djegur disa orendi shtëpiake. Sipas informacioneve të para, zjarri dyshohet se është shkaktuar nga shpërthimi i dy bombulave të gazit, të cilat ishin në përdorim nga kryefamiljari që kishte nisur punën me kazanët e rakisë.
Forcat e zjarrfikëses kanë reaguar menjëherë pas marrjes së njoftimit, duke arritur të izolojnë dhe fiknin flakët me shpejtësi. Intervenimi i tyre ka shmangur përhapjen e zjarrit në pjesën tjetër të lokalit dhe në banesat përreth.
Policia e Lezhës ka nisur hetimet për të sqaruar shkaqet e saktë të incidentit. Akoma nuk ka informacione për lëndime, por situata është nën kontroll.
