Kryetari i Partisë së Lirisë, Ilir Meta, mbrëmjen e sotme, i ftuar në “Quo Vadis” të moderuar nga Pranvera Borakaj ka vijuar sulmet e nisura disa ditë më para ndaj kreut të SPAK, Altin Dumani.
Pjesë e panelit të të ftuarve ishin gjithashtu analisti Mentor Kikia dhe kryeredaktori i “Vizion Plus”, Roland Zili.
Zoti Meta tha se sistemi gjyqësor në Shqipëri nuk është i pavarur dhe hodhi akuza se në krye të çdo institucioni drejtësie është Engjëll Agaçi, sekretari i Përgjithshëm i Kryeministrisë.
Ilir Meta: E vërteta është që në këtë vend gjykatat janë mbi gjithçka.
Roland Zili: Duhet të jenë!
Ilir Meta: Janë! Shefi i vërtetë, ose më saktë turoti i gjykatave, SPAK dhe çdo insitucioni të drejtësisë është Engjëll Agaçi. Ai ka kontrolluar të gjithë procesin e vettingut dhe është shefi i vëertetë dhe njeriu më i paprekshëm. Sekretari i Përgjithshëm ka përgjegjësinë e parë ligjore. Ai është pëergjegjësi kryesor për inceneratorët, PPP që po hetohen dhe çdo gjë tjetër.
Roland Zili: Po flisnim për raportin tuaj me SPAK dheme zotin Dumani…
Ilir Meta: Nuk ka një SPAK të pavarur. Ky është bërë një zëdhënës politik, ka shkelur ligjin për SPAK. Ky flet në emër të të gjithëve, flet politikisht, kërcënon Arben Ahmetajn sepse thotë disa të vërteta që i dhembin këtij dhe Ramës. Ilir Meta ka qenë në SPAK dhe shkon kurdo që të thirret. Ai do më bëjë një pyetje unë do t’i bëj 10 pyetje. Nuk ekziston Dumani, është një vegël e Engjëëll Agaçit.
