Kreu i Prokurorisë së Posaçme, Altin Dumani ka shkuar mëngjesin e sotëm në KLP.
Altin Dumani ka mbërritur për një takim në ambientet e Këshillit të Lartë të Prokurorisë mëngjesin e sotëm.
Kreu i SPAK është shoqëruar nga dy prokurorët Klodian Braho dhe Adnand Xholi
Shkak mësohet se është paraqitja para anëtarëve të KLP-së me punën e bërë nga SPAK-u përgjatë një viti.
Gjatë fjalës së tij, Dumani theksoi se agjencitë prestigjioze amerikane DEA dhe FBI tashmë janë atashuar pranë SPAK-ut.
“SPAK ka marrë pjesë në disa operacione ndërkombëtare të rëndësishme.
Vlera e pasurive të sekuestruara dhe konfiskuara përllogaritet në vlerën e 41 milionë euro.
Gjatë 2021-2023 janë regjistruar 211 procedime penale për korrupsionin, 81 për krimin e organizuar dhe 13 procedime penale për terrorizmin”, u shpreh ndër të tjera Dumani.
