TIRANA- Ambasadori i Bashkimit Europian në Shqipëri, Silvio Gonzato, i ka dhënë një mesazh magjistratëve që të mbrojnë Reformën në Drejtësi. Teksa mori pjesë ditën e sotme në një event të organizaur nga Shkolla e Magjistraturës në kuadër të një projekti bashkëpunimi me shkollat më të mira të magjistratëve në Europë, Gonzato ka theksuar se sipas tij, rëndësia kryesore është që të mbahet fryma e reformës dhe të mos pengohet puna e saj. Ambasadori ka shtuar se magjistrantët kanë mbështetjen e BE-së për këtë.
“Të gjitha arritjet e Reformës në Drejtëesi të konsolidohen më tej, jo vetëm në aspektin ndëshkues për luftën ndaj korrupsionit por edhe luftën paralajmëruese. Është e rëndësishme që mos të lëmë pas frymën e Reformës në Drejtësi duke marrë parasysh dhe element që mund ta përmirësojnë ose ta pengojnë zbatimin e saj dhe është e rëndësishme që ta mbrojmë. Keni të gjithë mbështetjen tonë.
Kur erdha në ceremoninë e diplomimit më bëri përshtypje dhe mu bë qejfi që dominonin vajzat. Më bëhet qejfi që vajzat në drejtësi janë kyçi i arritjes së ndryshimeve që ka nevojë vendi”, tha Gonzato.
