Këngëtarja e njohur Ruenca Haxhiaj e njohur si Enca është liruar nga burgu. Dy ditë më parë Enca u arrestua në vilën e saj në Lundër, pasi kishte mbjellë pesë vazo me kanabis. Që në momentin e arrestimit këngëtarja e pranoi se e kishte mbjellë dhe e justifikoi me argumentin se ishte përdoruese e kanabisit.
Enca u lirua nga burgu dhe tani do të hetohet ne masën e sigurisë “detyrim për paraqitje”. Avokatët kanë pretenduar se kontrolli i banesës së këngëtares ishte i paligjshëm. Po sipas mbrojtësve, 5 rrënjët e kanabisit i ka mbjellë për kuriozitet. Ndërkohë prokuroria ka kërkuar masën e sigurisë “arrest në burg”.
Në vitet e fundit janë të pafundme rastet kur shumë të rinj, por edhe pleq janë arrestuar dhe “kalbur” në burg për një dozë kanabisi, por standardi është ndryshe për Encën. Fatkeqësisht drejtësia nuk është e barabartë për të gjithë…
