Kryeministri Edi Rama, në hapjen e sezonit të 6-të të podkastit “Flasim”, komentoi Samtin e Koalicionit të Vullnetmirëve për Ukrainën, i organizuar nga Presidenti Emmanuel Macron në Pallatin Élysée. Rama përfaqësoi Shqipërinë në këtë event, gjatë të cilit u debatua për koordinimin e forcave dhe sigurimin e garancive për paqen pas luftës në Ukrainë, e cila ka shkaktuar shumë humbje njerëzish.
Rama theksoi rëndësinë e këtij takimi për bilancin e përpjekjeve mes Shteteve të Bashkuara, Koalicionit dhe Ukrainës. Ai gjithashtu diskutoi me Ministrin e Drejtësisë të Francës mbi përfshirjen e partnerëve francezë në grupin e reflektimit për politikën penale në Shqipëri, si dhe mbi konsolidimin e një drafti të ri të Kodit Penal që do të përmbushë standardet evropiane.
Duke iu referuar situatës së drejtësisë në Shqipëri, Rama shprehu se vendi nuk ka ende një drejtësi të paanshme ose cilësore, megjithëse drejtësia është e pavarur. Ai theksoi domosdoshmërinë e një reflektimi të thellë në politikën penale për të adresuar probleme të mprehta dhe për të nxitë paanësinë dhe cilësinë e kësaj drejtësie. Rama vuri në dukje se pavarësia e drejtësisë është arritur falë lidershipit të Partisë Socialiste dhe mbështetjes së popullit shqiptar, por ende nevojitet një përmirësim i mëtejshëm.
Ai e përmbylli duke nënvizuar se përkushtimi tij në politikë nuk është për të bërë gjëra të lehta, por për të trajtuar me përgjegjësi sfidat e rëndësishme që ka vendi.
