TIRANA- Prokuroria e Posaçme ka dhënë pretencën për dosjen e sterilizimint dhe kërkon 10 vite burg për ish-zv.ministrin e Shëndetësisë Klodian Rrjepaj i cili nga gjykimi i shkurtuar i zbritet në 6.8 vite burg, nëse dënohet.
Gjithashtu SPAK kërkon 10 vite burg edhe për biznesmenin Ilir Rrapaj, përfiton nga gjykimi i shkurtuar dhe do vuante 6 vite e 8 muaj. Nga ana tjetër, për Marsela Serjani SPAK kërkon 3 vite 6 muaj burg, por edhe ajo me gjykim te shkurtuar do të përfitonte dhe do të konkludonte me 2 vite e 4 muaj.
Disa javë më parë Gjykata e Posaçme Kundër Korrupsionit dhe Krimit të Organizuar ka vendosur të pranojë kërkesën për gjykim të shkurtuar për të gjithë të pandehurit në çështjen “Sterilizimi”, me përjashtim të Ilir Beqajt, i cili nuk ka aplikuar për këtë formë gjykimi. Sipas këtij vendimi, Klodian Rrjepaj, Ilir Rrapaj, Matilda Serjani, Samir Kadiu, Petraq Mersini, Arben Gjata, Genci Byrazeri dhe Naile Ajazi do të përfitojnë nga ulja e 1/3 së dënimit nëse shpallen fajtorë, në bazë të procedurës së përshpejtuar. Nga ana tjetër, Beqaj do të gjykohet në procedurë të zakonshme, ndërsa ai ka vijuar të kundërshtojë akuzat ndaj tij.
Sterelizimi
Ish-ministri, Ilir Beqaj është i pandehur për dosjen e koncesionit të sterilizimit, ndërsa më 18 mars iu komunikua edhe akuza shpërdorim detyre e kryer në bashkëpunim. Ndaj Beqajt rëndojnë akuzat “Shpërdorim detyre”, e kryer në bashkëpunim. Hetimi SPAK është kryer për koncesionin “shërbime të integruara për ofrimin e setit të personalizuar të instrumenteve kirurgjikale, furnizimin me material mjekësor steril njëpërdorimësh në sallat kirurgjikale, si dhe trajtimin e mbetjeve biologjike dhe dezinfektimin e sallave kirurgjikale”, në kohën kur Beqaj drejtonte ministrinë e Bujqësisë.
Për sterilizimin janë marrë të pandehur edhe 8 të tjerë, mes tyre ish-zv-ministri Klodian Rrjepaj dhe përfituesi i Koncesionit Ilir Rrapaj të dy në pranga që prej gushtit të vitit të kaluar. Në gjykim do të shkojnë edhe 6 ish-zyrtarë të Ministrisë së Shëndetësisë të cilët kanë qenë anëtarë të Komisionit të koncesionit të sterilizimit.
