Një raport intim, jashtë martesor është kthyer në mankth për një nënë të dy fëmijëve në Fier, burri i së cilës qëndronte si emigrant sezonal në Gjermani.
A.XH, kishte krijuar një historie dashurie me Besim Kurtin, një 38 vjeçar nga Librazhdi, të cilit përmes aplikacionit messenger në “FB”, i ka dërguar dhe dy video intime të trupit të saj.
Por pas dy takimeve romantike në hotelet e Durrësit dhe Fierit, Besim Kurti, është kthyer në një person shantazhues dhe kërcënues për A.Xh, duke mos i kërkuar kësaj të fundit trupit, por tashmë personi ka Librazhdi, kishte si qëllim vetë marjen e lekëve.
“…unë me Besimin filluam të shkëmbenim mesazhe me njëri-tjetrin, nga muaji Maj apo Qershor 2022. Ne u takuam për herë të parë në Durrës, ku shkuam në një Hotel, të cilir nuk ja mbaj mend emrin. Pasi ndenjëm bashkë rreth nja katër orë dhe më pas u ndamë mirë dhe unë i kërkova që mos takoheshim më. Sepse i thashë kam familje dhe nuk dua të prish familjen…”- ka treguar A.Xh.
Në këtë moment Besim Kurti nuk ka folur dhe deri tek “Bishti i Zhurit” në Rrogozhinë kanë ardhur së bashku me një taksi dhe aty, Besimi iku për në Elbasan. Ndërsa A.Xh ka marë një taksi tjetër dhe ka shkuar në Fier.
“…kur unë zbrita në Fier, Besimi më mori në telefon dhe me tha “Ku je, pse s’ma hap telefonin, ti ke shkuar me atë…”. Aty më pas ai më kërcënoi me vidiot që unë ja kisha dërguar më parë, vidio nudo të trupit tim. Pasi më kërcënoi me këtë video, ai më tha që duhet të hapësh telefonin sa herë që unë të marë. M’bas nja një muaji Besimi erdhi në Fier dhe bashkë shkuam tek hotel “Çikago” dhe une i thashë prapë “…bem ça bëm, ta lem me kaq…”. Por Besimi, duke më bërë presion me anë të atyrë dy vidiove që unë ja kam dërguar më tha: “…që këto do t’ja dërgoj burrit tënd dhe njerëzve të tu…”. Dhe në këtë kohë ai Besim Kurti, më kërkoi lekë. Unë nga frika se mos Besimi i dërgonte vidieot familjes sime, i kam dhënë një shumë të hollash prej 2000 dymijë lekë të reja. Por sërisht Besimi nepermjet telefonit më thoshte: “…dua lekë, më dërgo lekë, se ndryshe ky muhabet nuk mbyllet me kaq, do i nis videot burrit…“- tregon gruaja.
Më tej ajo shton se: “…Besim Kurti, ka ardhur në Fier disa herë dhe unë nga frika se mos ai me niste familjarëve te mi vidiot i kam dhënë lekë në dorë sa kam patur mundësi. Para një jave, Besimi më mer në telefon dhe me thotë që “…me dërgo 200 euro se ndryshe unë familjarëve të tu dhe burit tënd, do t’ju dërgoj vidiot e tua…”. Unë nga frika e madhe që më kishte zënë nga Besimi, i them një mikut tim të quajtur Fadil Meçe, i cili ka qenë shofer tek firma ku unë punoj, duke i kërkuar 200 euro, të cilat më pas ja kam dhënë Besim Kurtit…”
Por edhe pse e ka furnizuar në mënyrë të vazhdueshme me para dhe euro, Besim Kurti, nuk ndalonte asnjëherë duke krijuar një shqetësim për gruan.
Kërcënimet e tij shkuan deri aty sa të merte në telefon vajzën e A.Xh, si dhe bashkëshortin e kësaj të fundit, madje duke arritur të zhvillojë dhe një takim me të, të cilit i ka kërkuar 700 euro borxh.
Nisur nga kjo situatë, A.Xh, i është drejtuar policisë së Fierit, duke depozituar kallëzim penal për Besim Kurtin. Hetimet janë rregjistruar për veprën penale të “Shtrëngimit me anë të kanosjes apo për dhënie pasurie”.
Rasti është hetuar nga prokurori i Fierit, Petrit Vukaj, i cili ka nxjerë me urdhërin e ndalimit për shtetasin Besim Kurti, duke çuar policinë për arrestimin e tij.
Një ditë më parë gjykata e Fierit, vendosi mbylljen në qeli të Besim Kurtit, ndërsa ky i fundit ka pretenduar se lekët që i kërkonte A.Xh, ja kishte dhënë asaj në formën e borxhit./Ora
