TIRANË- Gazetari Artan Hoxha, duke folur për Operacionin “Ura”, theksoi se grupi është hetuar kryesisht për vepra në territorin italian. I ftuar në emisionin Log në News 24, Hoxha tha gjithashtu se ky operacion i bujshëm duhej të ishte bërë para zgjedhjeve, pasi hetimet kishin kohë që kishin nisur. Ndër të tjera ai theksoi se grupi ka elementët për tu quajtur organizatë, pasi i afrohet 20 viteve veprimtari.
“Bum-i që pati ishte ekspozeja mes Italisë dhe Shqipërisë, antimafia dhe SPAK. Dosja italiane rodhi në mediat shqiptare. U krijua përshtypja se u çmontua grupi i Shkozetit. Ishte një hetim historik, i zgjatur ndër vite. Pra, atëherë grupi nuk ka qenë në majë. Grupi ka elementët për t’u quajtur organizatë, pasi i afrohet 20 viteve veprimtari. Vetëm ky fakt përbën sukses. Grupi është hetuar kryesisht për vepra në territorin italian.
Në Dubai nuk të arreston njeri. Flasim për nivel të lartë, jo për shoferë. Ideja është ekspozeja u bë me fjalën “çmontohet”. Prova më e madhe ishte kapja e 3 milionë eurove vitin e kaluar. Kjo zhurmë duhej të ishte bërë para zgjedhjeve. Këtu ishin ata, ndërsa tanët pritën italianët për të bërë çmontimin”, tha Artan Hoxha.
